It's all about the game, and how you play it.

"Alam mo, para kang laging wala sa sarili.  Pag inuutusan ka, parang hindi mo alam ang gagawin mo.  Ikaw ba'y gusto mo talagang mag-nursing?  O pinag-nursing ka lang?"

"Ganyan ang observation ko sa'yo..."

"Hindi ka ba nakapag-retdem? (return demo)"  (hindi ko malaman kung insulto ba yun o tanong talaga)

"Baka pumalpak ka na naman tulad kahapon..."

"Saan sunod niyong rotation?"  "Aba, hindi pwede ang ganyan sa OR...  Mapapa-scrub out ka niyan...  Kailangan, presence of mind..."

"Ano yung gamot na binigay mo?  Hindi mo binasa ang medication card...  Nakikita ko na kung sino mga basta na lang nagbibigay ng gamot nang hindi binabasa ang medication card."

Ako ay gumising mula sa aking pagkakatulog nang 6:00am upang mag-almusal at manood ng The Simpsons.  Nag-sipilyo pagkatapos at naligo ako.  Nagbihis ako at umalis ng bahay ng 7:30am.  Ako ang nag-drive papunta ng school.

Pinasok ko ang kotse sa loob ng Health Sciences Campus hanggang sa may chapel area, doon sa kung saan naroroon ang aming classroom, mga 5 hanggang 7 minutong paglalakad mula sa entrance.  Pinasok ko na ang sasakyan para tipid sa oras, dahil saktong 8:00am na ako dumating.

Hindi ko alam kung ano ang nag-aabang sa akin noong panahon na yun.

Bumaba na ako sa "underground" kung saan naka-locate ang mga classrooms.  Nakita ko ang kaklase ko dati doon.  At kanyang sinabi, "Late ka na!  Hindi kayo dito...  Doon ata kayo sa lecture hall!"

Ang lecture hall ay nandoon sa may malapit sa entrance ng school.

Ako ay napatigil.  Amp*ta...  OO NGA PALA!!!  Sabay takbo papunta ng lecture hall, dahil bukod sa late na ako ay may quiz pa kami.  Tumakbo ako kahit na may dala akong napakalaking libro at kahit naka-leather shoes ako.

Pagdating ko sa lecture hall ay tahimik nang nakatungo ang aking mga kamag-aral, na may mga piraso ng dilaw na papel sa kanilang harap.  Napatingin ako sa aking guro habang hinihingal nang malakas.

Mabuti't inulit ng aking guro ang katanungan para sa bilang 1 hanggang bilang 5.

Ngayon ay sumasakit ang aking mga binti.

Ginagamit ko ngayon ang scented mosquito coil na hindi ko malaman kung kulay blue o kulay violet.  Wow...   Sana magkaroon ng mga katol na amoy Hugo Boss o kaya Polo.

****

Napapaisip ako minsan...  Bakit ko nga ba kinuha ang kursong nursing, samantalang noong elementary at high school years ko, isa sa mga ayokong subject ang Health?  Isa yan sa mga subject na nahihirapan akong ipasa.

Pero ngayon, ako ay third year student na, naka-white uniform, nagdu-duty sa mga ospital...  Wow...  Mahal ko na ata ang nursing!!! (wtf?!)

Friday.  Kami ay nag-exam.  Evaluation exam.  Hindi ako nakapag-aral dahil internet ang inatupag ko noong umaga.  Pero buti na lang at medyo madali yung exam *ehem*...  Pumasa ako nang wala man lang ka-effort effort (joke).

Buong akala ko ay maaga kaming pauuwiin at wala nang duty sa araw na yun.  Nagkamali ako.  Meron pala.  At gabi rin kami nakauwi.

Last day/night of duty na namin iyon sa sem na to under the supervision of Ma'am Claire Sumagpao.  Inuulit ko, mabait nga siya, akala niyo lang hindi.  Medyo tough nga lang siya minsan, pero kailangan yun sa kanyang gawain kaya ganoon siya.

At noong Friday ko lang nalaman na tutugtog pala ang MAYONNAISE sa isang street party sa harap ng campus namin.  Kaya pagka-dismiss sa amin ay dumiretso agad ako doon.  Maraming tao, dahil karamihan sa kanila ay inaabangan ang MAYONNAISE.  Kaya nung tapos na sila at nang sumunod ang mga bandang wala sa tono ang mga bokalista (o di kaya'y mga nakakalimutan ang lyrics), nagsi-alisan na ang mga tao.

Nagpaalam ako sa amin, sabi ko ay kinabukasan na ako uuwi kasi late na matatapos ang program/party.  Nang umalis na kami sa party at patungo na ako sa dorm ng kaklase ko para mag-overnight, ako ay nanghiram ng gitara (yeah) at ayun, nagtugtugan muna hanggang... mga 1:00am ata yun.  Umalis na yung iba at tatlo na lang kami naiwan sa may labas (ako, Margaux, Bhen).  Usap-usap, tugtugan (?)...  Natulog na si Margaux ng mga 3:00am at kami ni Bhen ay pumunta na sa dorm niya.  Pagdating naman dun ay tugtugan na naman (amp).  Mga 6:00am na kami nakatulog, at gumising ako ng 7:00am para umuwi.

Halos 21 oras na pala akong gising.  Kaya pagkauwi sa amin ay nakatulog agad ako...  At ako ay ginising ng 9:15am, kung hindi ay hindi na ako nakapasok sa klase namin ng 11:00am.

Last day na namin ngayong prelim term sa ward ng UMC, ang 1300 ward.  May evaluation exam kami mamaya, ang una at huling exam namin under Ma'am Sumagpao.

Next week ay doon na kami sa 3rd floor ng JP Hospital.  Balita ko ay maraming namamatay dun.

Ako ay nagiging biktima ng isang maling balita ngayong mga panahon na ito.

In short, ako ay natsi-tsismis (nachi-chismis).

Aking pinabubulaanan (tama ba?) ang mga bali-balita...  Wag kayong magpapaniwala sa mga sabi-sabi o sa inyong mga obserbasyon...  Looks can be deceiving...  At kayo nga ay nade-deceive...

Kahit na kailangan kong mag-aral para sa NURS102 (Promotive and Preventive Nursing Care Management) at Pharmacology, gumawa ng computerized na drug study, mag-research tungkol sa 12 Olympian gods, at magsulat sa diary (isang requirement) tungkol sa mga nangyayari sa aming duty, still, nanood ako ng gig ng Mojofly.

Ito palang si Lougee, ang bagong vocalist ng Mojofly, ay may pagkakahawig kay Kitchie, ang dating vocalist ng Mojofly.  At ka-boses din ni Lougee si Kitchie pag nagsasalita.

Marami silang pinerform kanina, lampas sampu ata yun.

****

At... may free 8R recopy pala ang Photoline kapag nagpa-develop ng film na lampas ng 24 shots...  At matagal na raw sila nag-o-offer ng ganun.  At pinalakihan ko ang solo shot ko ni Lougee.  Ayos.  Ang problema ko lang...

Ngayon lang ako nakapag-internet ulit.  Masyado akong pagod (?) pag-uwi galing sa klase, o kahit saan man.

Kahapon (Friday) ay nanood ulit ako ng mall tour ng Sexbomb.  Kami ay dinismiss ng tanghali dahil tinapos lang namin ang naputol na orientation noong first day ng klase.  Sinama ko kahapon ang isa kong kaklase sa Robinsons Manila.  Buong akala namin ay walang makakakita sa amin doon dahil malayo yun sa gubat na aming pinapasukan.

Pero nagkamali kami.  Habang kami ay naghihintay na magsimula ang "mini-concert" (siyempre nasa unahan kami, hindi ko matatanggap pag nasa likuran ako amp), napatingin ang kasama ko sa may bandang kanan, at nakita niya ang isa naming kaklase, kumakaway, nakangiti, at sumesenyas na tila ibig niyang sabihin ay "Lagot!!!"

Yipee!!!  Napanood ko na namang muli ang aking mga favorite na SEXBOMB!!!  At yeah, andun si Che-Che Tolentino, ang isa sa mga favorite kong Sexbomb Girls na noong November ko pa huling nakita sa personal, at ngayon ay kasama na siya sa Sexbomb Singers!

Matagal akong naghintay.  Ang nakalagay sa banner sa labas ay 4:00pm ang start ng show.  Ang alam ko, 5:00pm.  Nagbiro pa ako na 6:00pm ang start.  Mali lahat ng nasabing oras.  Ang show ay nagsimula noong 6:45pm na.  Halos 5 oras ako naghintay...  Pero ang aking paghihintay ay nagkaroon ng magandang bunga...  Tuwang-tuwa ako nang napanood ko sila!  FEELS LIKE HEAVEN!